مذكرات جيفرسون
كل المرشحين ما فيهم خير
بعد ما شهده العالم من ازمة اقتصادية انهارت على أثرها عدة شركات عالمية،
وبعد ما شهدته دولة الكويت من انخفاض حاد في مؤشر البورصه تسبب في دخول العديد من المغامرين جناح الحوادث في مستشفى الأميري،
وبعد ما شهدته خدامتنا من تعزير بسبب عدم معرفتها اعداد وجبة البلاليط،
بعد هذا كله، عرفت السبب ....
امي قالت لي ان كل المرشحين مافيهم خير
ليش؟ افا يا جيفرسون ليش هذا الكلام؟ كلهم ما فيهم خير؟
انا احكي لكم الحكاية
سلمكم الله
كنت مودي الوالده تصوت لانتخابات مجلس الامة الكويتي
وصلتها لأقرب نقطه ونزلت مسيجينه وراحت تتخطرف تمارس حقوقها السياسية
ولكن
لما رجعت كان في سياره واقفه ولونها نفس لون سيارتي وكان فيها ريال ناطر
وراحت الوالده الله يهداها وركبت وياه
وانا اصرخ يما يما منيه منيه
ما كو فايده
اركبت وقالت له يالله يما خل نرجع البيت
الريال تفاجئ مسكين وقالها حجيه ترى هذي مو سيارتكم
مسكينه انقلب ويهها الوان وطلعت من السياره وشافتني أأشر لها تعالي
اركبت السياره وما خلت مرشح من المرشحين الا سبته من حرتها وفشلتها
سألتها ها يما حق منو صوتيي؟
من حرتها ردت وقالت كل المرشحين مافيهم خير (*)
انا ما ادري صوتت حق منو بس مدام ما عرفت السياره ،،، الله يستر
السؤال الذي يطرح نفسه هل في أمل بان خدامتنا ستتعلم كيفية اعداد طبق البلاليط؟
مع تحيات جيفرسون
لعلي رسمت ابتسامة على شفاه احد
* مع كل الإحترام لمرشحينا الأفاضل، حجيه كبيره و تفشلت ونعتذر لهم كلهم
* مع كل الإحترام لمرشحينا الأفاضل، حجيه كبيره و تفشلت ونعتذر لهم كلهم
ليست هناك تعليقات:
إرسال تعليق