مذكرات جيفرسون
يا آنه يا بنتك
17/10/2008
يوم من الأيام كنت مسافر في رحله داخليه
على متن الخطوط الجوية السويسرية
الطيارة كانت صغيرة وكانت متروسه اجانب
ما عدى اسرة كويتية تتكون من أب وام وبنتهم ذات 13 عشر عام
الناس كلها ما لها صوت وتقرى مجلات
الا العايله الكويتية قرقه وصوتهم اعلى من صوت مكاين الطيارة
الأجانب تسمعهم بس بس بس بس
وهذوله :
كاهو
ماني
اثاري
عطني
اهوو
جنك
عطشانه
يوعانه
قطع
عما
عشتو
وغيرها من الكلمات الدارجة عندنا
طبعا ما يدرون ان جيفرسون قاعد وراهم ويسجل مذكراته
المهم
مرت ساعه وجات المضيفه تبيع الديوتي فري
وهي البضاعه إلي تنباع في الطياره
قام الابو وكلم المضيفه واشترى منها شي
عطته المضيفه كرتون مربع وراحت بعد ما عطاها الفلوس
قام الابو وعطى بنته الكرتون وقالها هذا يبا هدية حقج
استانست البنت وطارت من الفرحة
ما شوف الا الام قامت على حيلها وقالت
شنو شريتلها؟ اهو خل اشوف؟
فتحت الام الهدية وطلعت
قلبه على شكل قلب ماركة شوارفسكي
بس موقلبه عادية
قلبه و فلاش ميموري بنفس الوقت
طبعا انا قاعد واطلطل بين الكشنات واسجل ملاحظاتي
وارصد تعابير الام
جان الام تقول الحين انا مرتك ومسافره وياك
تقوم انت تشتريلها بقمه وتخليني
الحين انا متحمله ظيمك وظلايمك
تقوم تشتريلها هديه وانا ناسيني
يابنت الحلال البنيه تستاهل بعد جم يوم عيد ميلادها
ويمكن ما نلقى مثل هلبقمه
يما منك مكود منها بالكويت
انزين اذا مكود ليش زعلانه اشتريلج وحده
قالت والله يا انا يا اهيه
قمت انا و بدون شعور
ياجماعة صلو على محمد ما صار الا الخير هونوها وتهون
قالت الام قطيعه منو هذا كويتي ويانا بالرحلة
رديت قعدت وسكت لا يجيني الطشار
قال الابو بنيتي حبيبتي عطي البقمه حق امج لا تفضحنا
وانا اشتريلج غيرها
كسرت خاطري البنت وكسر خاطري الابو
وبطت جبدي الام
بطت جبدي مو على سوايتها لا لا لا
لانها عقب الهوشه نامت ولا قام تشوخر بعد
وخربت كل افكاري
ولاتشوخر بلحن بعد
اتذكر كان:
غاااا غااااا غاااا خخخخخخخ
مع تحيات جيفرسون
لعلي رسمت الابتسامة على شفاه احد
ليست هناك تعليقات:
إرسال تعليق