كثري من الآيس

مذكرات جيفرسون
كثري من الآيس
15/10/2008

يوم من الأيام اخذ الأب زوجته وبنته وراحوا لندن
وصلوا لندن وسكنوا بفندق كشخه بشارع اكسفورد

اول يوم اخذ الأب زوجته وبنته وراحوا السوق
ثاني يوم اخذ الاب زوجته وبنته وراحوا السوق
ثالث يوم السوق
رابع يوم السوق

البنت ملت من السوق
طبعا البنت ما ملت من التسوق بس ملت لأن شغلتها
بس تلحق امها وتدز الجنطه ام تواير المتروسه
بالمشترايات، شايفينها الجنطه المبكره.

خامس يوم قالت لهم ماني رايحه وياكم بأقعد في الغرفه
حاولوا وياها يمين يسار ما اقدرو

قالوا لها انزين يما لا طلعين مني مناك اخاف يبوقونج
البنت مؤدبة قالت انشاء الله يمه
وقالت لها يمه لا بطلين الباب حق احد
انشاء الله يمه

واذا تبين تطلبين شي يمه اتصلي على المطعم وطلبي، انزين؟
انشاله يمه...

راح الاب ولحق زوجته و هو يجر الجنطه المبكره متحسرا على حاله


بعد 5 ساعات ارجعو للفندق وادخلو الغرفه والا بنتهم
قاعده ترقص على السرير و تقط خيط وخيط

اشفيج يمه؟
اشسوو فيج؟
احد ياج الغرفه؟
.
.
.
.
.
.

اتصلو بالشرطه وعفسو الفندق فوق تحت
عقب 12 ساعة وبعد ما هدئت الامور

طلع ان البنت حبت تطلب من الروم سيرفس
قالها يس مام وت يو ود لايك تو اوردر؟
قالت له يو هاف كوكتيل؟
رد عليها يس مام ون كوكتيل ستريت اويه

البنت اطلبت كوكتيل عبالها قاعده بشارع المطاعم
ما تدري ان الكوكتيل بره يعني مشروب مسكر
شربت الكوكتيل واهيا تطالع ام بي سي 3
وانتهى فيها المطاف فاله شعرها واهيا ترقص على السرير
على نشيدة قطوره

مع تحيات جيفرسون

لعلي رسمت الابتسامة J على شفاه أحد

جميع الحقوق محفوظة ©