رجيم الحب

مذكرات جيفرسون
رجيم الحب
6/10/2008

انا واحد وأكيد مثلي كثيرون جربنا جميع انواع الرجيم لتخفيف الوزن
ما خليت نادي، ما خليت نظام اتكن، ما خليت ممشى بالكويت الى مشيته
ولااا ساعات امشي قري بعد

بس ماكو فايده
قطعنا الكاكاو، والعشاء والقوازي و المعجنات والشكر ووو

وهم ماكو فايده

إلى ان يوم من الأيام
شفت لي واحد ضعفان ... قلت بس هذا اسأله شمسوي وأسوي مثله

ها يالطيب اشلون ضعفت؟
قال آآآآآه
ضعفني الحبيب،
نعم خير، شنو هذا نادي يديد؟
قال لااااااااء
حبيب القلب
حبيب القلب يضعف؟ انا خابره يمتن؟
قال لا يضعف
قلت له شلون علمني
قال من شفته وانا ما اشتهي الأكل ولا النوم.
ودائم التفكير و حالتي حاله
ليش يبه تفكر ومعور قلبك
تزوجها وارتاح
أتزوجها؟
أي نعم اتزوجها وفك عمرك صاير شينك زرزور
قال انت شتقول!!!
إلي أحبه هو سيكل هوندا 2 سلندر ما كو منه بالكويت!!!! من شفت صورته وانا متخسبق
هذا الي تحبه؟
قال ايييييييييييييه
اقول الله يشفيك

بس والله عجبتني فكرة الرجيم
ما أدري أجرب أحب سيارة ولد الجيران؟؟ خوش سيارة عنده خوش فراري
أي والله بديت أضعف.......يه يه يه

مع تحيات جيفرسون
لعلي رسمت الابتسامة على شفاه أحد