جيفرسون في مستشفى الولاده

مذكرات جيفرسون

جيفرسون في مستشفى الولاده

يوم من الأيام كنت رايح مختبر مستشفى الولاده مودي وحده من الأهل عندها موعد
قالت لي انطر بالسياره و ماراح اتأخر عليك

نطرت
نطرت
نطرت
مليت

قلت تدري خل انزل شوي اتمشى
تمشيت وين رحت؟
رحت مختبر مستشفى الولاده
قمت اتمشى شوي شوي بالمستشفى
وكنت وقتها حاط هوية الدوام

وانا ما ادري اتمشي بهلممرات و اتطمش على الناس

وشوي وما اشوف نفسي الا في جناح الولاده
ووحده حاطينها على العربانه في الممر
وتصرخ فيها ولاده موصله حدها وحاطين عليها شرشف أخضر
شافتني المره جان تصرخ انت منوووووووووووووووووو بررررررررررررراهههه

توني ياي بانحاش جان تشوفني السستر
وتصرخ علي وتقول انت شتسوي هني ممنووووووووووووووع

جان اركض
وانا اركظ واهيا وراي وتصرخ سكيورتي
واركظ واهيا تصرخ وتركظ وراي
والحرمه الي تطلق تناديها سستر سستر تعااااااااااالي خليه يولييييييييييييييييييييييي
والسستر وراي
وانا اركظ

انقطع انعالي
الناس ظحكت علي
المره الي فيها طلق احقدت علي
البيبي طلع يشبهني من القهر

وانحشت اخيرا
ورحت السيارة رررررررررررركظ
طقيت سلف و حد السرعة على طول البيت

جان تتصل الى موديها المختبر انت وينك وين صافط ما اشوف سيارتك؟

قلت لها انا في البيت
شتسوي في البيت؟ تعال اخذني

قلت لها مالج امل اخذي تكسي ورجعي
ومن يومها انا مارحت مستشفى الولادة.

ياريت الام الوالد تقرأ مذكرتي وتسامحني و ترتسم الابتسامه على شفتيها


مع تحيات جيفرسون
لعلي رسمت الابتسامه على شفاه احد