مذكرات جيفرسون
اقرأ المانيوال
يوم من الأيام كنت مسافر سنغافورا
الله شحلاتها من ديره
صج شويه رطوبه بس حلوه حلوه وايد
حلوه بأهلها و نظامها و ورودها و مولاتها
ما أطول عليكم
كنت قاعد اتمشى بره يم مجمع تاكوشومايا
الله مجمع روعه بس التمشي فيه يفتح النفس
كان في بره مجموعه يتكلمون ويروجون حق موضوع
قلت خل اتسمع شقولون هذول
سحبت كرسي وقعدت وفهمت من كلامهم ان
الحكومة السنغافورية تبي تطلع قانون جديد
القانون هذا يقول سلمكم الله
ان اي شخصين يريدون الاقدام على الزواج عليهم اتخاذ عدة اجراءات منها:
1) لازم يدخل الخطاب دوره تدريبية تعلمهم كيفية فهم والتعامل مع الشخص الآخر وطريقة حل المشاكل.
2) الاعداد لانجاب الاطفال والتربية السليمة.
3) التدريب على كيفية اعداد الميزانية و الاقتصاد المنزلي
وغيرها من التدريبات
انا فعلا انبهرت وين وصلوا اهل سنغافورا واحنا وين وصلنا
احنا مسكينه البنت خذوه فغلوه ما تعرف غير تحط المكياج و اشلون تسوق سيارتها.
وهالشاب مسكين همه دشتاشته وبنطلونه ولا يعرف عن التربية و لا الاقتصاد شي.
انا اقترح التالي:
احنا مو لما نشتري جهاز أي بود يعطونا معاه مانيوال اكبر منه؟
ولما نشتري تلفزيون يعطونا معاه مانيوال يشرح طريقة الاستخدام المثلا؟
ولما نشتري سيارة يعطونا وياها مانيوال يشرح فترات الصيانه؟
ليش ما نسوي مانيوال، واحد حق الشاب و واحد حق الشابه (الله يطفيهم)
يقرونه قبل الزاواج ويدخلون امتحان وينجحون ويخلونه معاهم على طول
ونفتك من مشاكل الطلاق والهواش، ونقطع رزق المحامين.
و ياريت نسوي مانيوال حق خدامتنا الي لي الحين مو عارفه تسوي بلاليط
مع تحيات جيفرسون
لعلي رسمت ابتسامة على شفاه احد
ليست هناك تعليقات:
إرسال تعليق