بوديها
ما اوديها؟
وديتها
رحنا الظهران مول
ما نروح؟
رحنا
وكالعاده تنزل الوالده من السيارة
وتدخل المجمع
اقولها انا انطرچ بالكافيه
وتنطلق اهي الى عالم التسوق
تقريباً كل ١٠ دقايق ترجع لي وتقط علي ثلاث اربع چياس وترد تنطلق
وفجأة اذن المغرب
ولىّ ما اسمع الا بصوت يأتي من بعيد
صلااااة
صلااااة
وكل ماله يقترب اكثر فأكثر
وانا قاعد حاط ريل على ريل واشرب الاسبريسو والزقاره بإيد والآيفون بالاخرى
وفجأة ولا اشوف الشيخ (مطوع هيئة الامر بالمعروف والنهي عن المنكر) هد كل هالبشرررر وواقف فوق راسي.
قالي السلام عليكم
قلت له وعليكم السلااااام ورحمة الله وبركاته هلا بالشيخ هلا بالورد كيفوووو
قالي: انت وكاد انك من السالمية
ضحكت وقلت له اي شدراك
قال ياخوك انا ما احبكم
قلت له ليييش؟
عسى ما شر؟
قال منتوا بزينين عوچان (يعني شنو عوچان ما ادري ... بس طاف)
وقال لي ياخوك شلك بالمالبوروا ماهو بزين
قلت له شدراك؟ ههههه
قال انا ادري... دخن ديفيدوڤ وراح تحس انك طاير فوق الغيم
قلت له لايبا خلنا على الأرض ابرك
قالي انزين منت قايم تصلي؟
ايييييي اهني الغمنده
قلت له امبله بس مثل ما انت شايف اغراض الحجيه وين اخليهم؟
قام يطل بالچياس ههههه ويقول ماشاء الله ماخليتوا لنا شي
المهم... ما اشوف الا الوالده يايه صاروخ ... وتصرخ شفيه شفيه هذا ... شلك بوليدي؟؟؟
ههههه يما ماكو شي بس قاعد نتكلم عن انواع الزقاير وضحك الشيخ ودار وچه وراح
ورحنا صلينا كلنا والحمدلله رب العالمين
