بو عبدالله واحد من المتابعين لمدونتي وارسل لي هذه المشاركة واسردها لكم كما هي:
( صمون حلال )
يقول مرة في أمريكا ... كنت ميت جوع ... والطيارة تبي تطير داخلي
يقول رحت ماكدونلدز ... وغصب فهمتها ابي " بيض "ولا تحطين معاه شي ثاني
يقول شريت يمكن 7 صموناتوركككككضه من جيت لي جيت حق الطيارة
المهم ... ركبنا وطارت الطيارة بحفظ الله ... بعد شوي ولا يجيوبن ... ريوقهم ...
يقول آنه .. آنه اطلع المضيفة .. وابتسم ... وآنه حاظن كيس الصمون ..شني حاظن ولدي الوحيد ... وطافتنا الحجية ومعاها الريوق ... ونطلع البيبسي ... واوزع على العيال و امهم ... المشروبات البارده ... و أفتح كيس الصمون .. وإلا .... ـلحم !!!!!!!ـشنو هذا ؟؟؟؟؟؟؟لحم .... معاه بيض:(((بنت الـ ... " طوووط " مالت المطعم الحين آنه شنو اسوي ؟شنو آكل .. وآنه يوعاااان ؟مت قهر!!!!قمت اوزع الصمون على الأجانب الي يمي .. واهما مو مصدقين وتاليتها ...سبال ... لين وصلنا:))))
مع تحيات بو عبدالله
هناك ٥ تعليقات:
لوول
حلوة
ابيخ حركه يحطون لك الاوردر غلط وانت يوعان!! صج مو شي!! النفسيه تتحطم لول
بوست لطيف :)
شكرا لك اخ جيفرسون و للأخ بو عبدالله
:)
هاهاها
:)
( هوشة على كرسي )
بغيت اقولكم على شي
بس لا يضيق خلقكم ..ترا مو كل المدرسين بهل المستوى الهابط
مدس لغة عربية ... ابتدائي ...
صار له اكثر من 25 سنة مدرس .. وناطر كم سنة علشان يعطونة مكافأة ال30 سنة ... يطلع له معاش سنة كاملة هدية ... اللهم حسد .. يلعن يومه ... :)
المهم ...
يقول ذاك اليوم بعد ماخلص حصته ... وشرب شايه ... واكل صمونته .. طلع يتمشى الأخ ... يدور له واحد يسولف معاه... ولا المدرسة مصخرة ... اليهال بالساحة ومحد صوبهم .. تصفر من المدرسين والادارة المدرسية ... مافيها أحد ... وينهم ؟ ... اجتماع ؟ غزو ؟ كلش خرررررمس
راح صاحبنا يحوس يحوس ... ولا يسمع نجرة وتحلطم و تقلطم ... وهذا لي .. انت انطر اشوي ... انت عندك ...
ولا ... الحوار التربوي كان على اشدة بين الناظر ... والادارة المدرسية .. والمدرسين ... على اثاااااث
كراسي ... طاولات ... متبرعه فهم ولية أمر .
بالله عليك شتقول ...
هادين شغلهم .. وكل واحد يبي يحصل على نصيب الاسد من الغنيمة ... وهادين القرعه ... ترعا
بالله عليك ..هذوله .. ينقال عنهم ... قف للمعلم ...
طبعا ما يخفا عليكم سالفة مجلس اولياء الامور ... يقولبون بملفات الطلبة يدورون وين المريش ... ويختارونة علشان يرش عليهم من خيراته ... والحافي المنتف ... بعد ما ييله ... الفقير أخو الكــ طووووط :)
( طوطوطوطو ,,, )
صبحكم الله بالخير
اليوم ... من الصبح الباكر ( حلوة هذي وجديدة ) :)
وبما ان اخونا اخينا اخانا جيفرسون لاهي شوي عن الكتابة خلوني اقولكم قصة صاحبنا اياه .
يقول ... ذاك اليوم صار له معامله عند الجنسية و الجوازات ...
أخذ كل الاوراق الي يحتاجها وما يحتاجها
بطاقة مدنية .. صورة الجنسية .. صور 4x6 و 200X15 .. حقه وحق خدامتهم وبيت جيرانهم والمصور نفسه ... خو ربعنا شطار في هل السوالف .. ما يطلبون الى الورقة الي ما عندك ...
المهم ... روح عنده هذا اللطيف ... تعال من ذاك الحبيب .... لين وصل الموضوع عند التوقيع ... يقول كل هذا عااادي ... وآنه داش وطالع عليه ولا عشر مرات ... ويالحبيب .. ياالأخو .. يا ولد عمي ... ورايح على السنة .... الى أن ...
آخر مرة أدش عليه و أقرا الأسم ... ولا الشيخ ....
يقول فجأة !!!! نربط اللساني ...
ياي اتكلم ولا اللساني يصير دنبك ... طوطوطوطو ... ابي اقول طال عمرك ... بس ما ماطلعت ...
بس كفو والله عليه هل الشيخ ...
ابتسم بويهي .. وقال لي ... تفضل .... وخلص معاملتي بأريحيه ... وكل سعة صدر ...
عاد الحين باخليكم .. ومع ال سلم سلم سلم سلم سلم .....
إرسال تعليق