والرياييل استانسوا من العباره اللي فوق فهم لا تستانسون
طبعاً اغلبنا قرأ كتاب النساء من الزهرة والرجال من المريخ وفي ناس اخذوا دورات في هالمجال وهالكلام مو يديد عليكم ولكن انا ناوي اليوم اعفسكم عفاس
يالله
المره من تقرأ الكتاب تقول اللللله ياريت ريلي يقراه ويتعلم ويفهم لي ويعرف انا شلون عايشه ومحبطه، ابيه يسمعني، يحس فيني، انا اعرف احل مشاكلي بنفسي، بس محتاجه له بس يسمعني
والريال هم نفس الشي من يخلص من الكتاب يقول متى تفهمي وتعرف ان لي عرات وما احب احد يقترح علي،
انا الريال ولي طبيعتي الخاصه، ما ابيها تمشيني على كيفها.
والخطأ في الرياييل والحريم انهم لما يقرأون الكتاب بس ينتبهون للعبارات اللي تدغدغ مشاعرهم وتثبتلهم انهم صح والطرف الثاني قوطي (ه) وما (ت) يفهم
نرجع حق عنوان المفكره
حريم هالأيام ما شاء الله صايرين كشخه وقمة في الذوق ما شاء الله ملابسهم من هالمحلات الراقية، بدلاتهم ليدي، جناطهم ماركات، مكياجهم انواع واشكال، شيلاتهم قطع فنيه، ولما تشوف نفسها بالمنظره تقول
وييين اللي يفهم ويقدر هالذوق وينه.
وهم رياييل هالأيام، هالدشداشه الواقفه المرتبه والغتره السنعه وهالسبعه والعقال، القميص تحت الدشداشه لونه ماشي معاها، البزمات، الساعه، القلم، ذاك الجوتي اللي يلمع، الدلاغ مع لون الدشداشه، مرتب لحيته وشواربه.
ومن يقعد بسيارته يكلم نفسه ويقول والله زوغه والله اشق شق بس وينها اللي تقدر وينها.
نفس الانطباع لما اثنينهم يقرأون الكتاب،
في النهاية اهي تقول عنه بو فانيله ام علاق واهو يقول عنها ام ركب سود هههههه
ليش؟ لانهم من يرجعون البيت طارت الكشيش والملابس تنرمي ع السرير وراح المكياج والفانيله ام علاق طلعت المستور والركب السود بانت، لا يحطون عطر، لا يمشطون شعرهم، وكل واحد قط روحه ع السرير وجابل هالآيفون وشبك مع قروبه.
لمرااااد
شل الحل؟
الحل على ما أعتقد ان الحريم لازم يفهموم طبائع رجال المريخ والرياييل يحاولون يفهمون طبايع حريم الزهره. يعني مثلا روح معاها السوق، اختار لها ملابس، اختار الألوان، قولها هالعطر حلو، بين لها ان هالجنطه وااو ذوق. والمره نفس الشي، قولي له مشتهيه عليك هالبجامه، بدي لوشن، هالعطر، قصة الشعر، ثانيا شلمانع الواحد يقعد كاشخ في بيته وبغرفته، ترا بالعكس شغل عدل.
انا بروح واحطلي كرسي قبال فيكتوريا سيكرت وبشوف جم واحد طبق هالشي. بس ما راح اروح سوق المباركية واشوف هالحريم ينقون شماغات هههههه
مع تحيات جيفرسون
لعلي رسمت الابتسامة على شفاه أحد
