حمود خلص امتحانات عقب ما طلع روح الوالده
واول ما وصل البيت شغل الـ Wii وقام يلعب
وبينما هو يلعب سأل سؤال بصراحة ما ادري يدل على غباء ولا ذكاء
قال يما: تخيلي لو ان الاذون مكانها في الركبه ، جان شلون نتكلم في التلفون النقال؟
تحير الجميع، انبهر الجميع من السؤال؟ تعال جان شلون؟
واحد قال يالله عاد عن العبط
وواحد قال سبحان الله كأنه الله يدري ان في يوم من الايام راح يصير تلفونات ونحتاج الاذون تكون يم الفم
وواحد قال اسم الله عليك مصخن؟
انا بصراحة وقفت متحير
مع تحيات جيفرسون
لعلي رسمت الابتسامة على شفاه أحد
الاشتراك في:
تعليقات الرسالة (Atom)
هناك ٤ تعليقات:
شوف الصورة الي حاطها حاكي عقالي وتخيل المنظر
يعطيك العافيه اخ جيفرسون
اهو سؤال يمكن سأله اخوك على براءه،
لكن السؤال يخليك تتأمل نفسك والكون حولك والابداع التام الي الله سبحانه خلق فيه الانسان والكون كله..
كل شي بمكانه وشكله المناسب تماماً..! :)
اخوك الظاهر بيطلع عالم اخرتها ;)
فيلسوف
( أخوك يا ستيف ... و أم خماس )
يا عزيزي بوستيف .
لا تتعجب من سؤال أخوك
الزمن والناس ... قاعدة تتغير بشكل صاروخي .
قبل فترة كنت أحد محلات تصليح التلفونات ... وبيع وشراء المستعمل منها .
دش شاب " اسم الله عليه " ما اعتقد بقت صمونة بيج ماك ..ما لفها الأخ ... يعني ممكن فيه 140 -+ 20 والحجي لابس ستريش ، ما تدري هذي كرشته ولا ... ــتة ;)
المهم .. يقول حق الهندي ماالمحل " آنه كل يوم أغير تلفوني " و المشكلة ... يفتخر.
صار التلفون جزء من الكشخة ... و الصورة الإجتماعية .
يا الله بالستر ... على قولت أم خماس .
إرسال تعليق